Ég fæddist 2. September 2003

    Um 8 að morgni 2. september byrjaði mamma að fá smá verki, þeir voru samt svo vægir að mamma hélt bara áfram að sofa.  Milli 10 og 11 urðu verkirnir aðeins verri þannig að mamma fór í smá sturtu til að verkirnir myndu minnka, mamma vissi eiginlega ekki hvað var að gerast, hélt að þetta væru bara fyrirvara verkir sem allir voru að tala um.   Í hádeginu komu svo afi Gunni og amma Jóhanna heim í hádegismat og amma sagði mömmu að ég væri að fara að koma í heiminn, sagði mömmu sko að hringja strax í pabba því við þyrftum að fara upp á fæðingardeild.  

Pabbi kom strax heim og við drifum okkur á fæðingardeildina þar sem mamma var látin í mónitorinn strax og ljósmóðirin athugaði útvíkkunina, þá var mamma komin með 6 í útvíkkun og verkirnir farnir að verða svolítið vondir.  

Milli klukkan 1 og 2 var farið með mömmu í undirbúningsherbergið og afi og amma komu í smá stund, amma nuddaði bakið á mömmu sem var rosa gott því konana vara að deyja úr verkjum. Ljósmóðirin sagði síðan við mömmu að hver sentimeter í útvíkkun tæki svona klukkutíma ef allt gengi vel þannig að mamma var farin að halda að hún þyrfti að vera með verki fram á kvöld.

Afi og amma voru með okkur til svona hálf þrjú -   þrjú en þá voru verkirnir orðnir svo vondir að pabbi og mamma vildu vera ein, mamma var komin með rembingsverki og kallaði á ljósmóðurina sem kom og athugaði útvíkkunina. Útvíkkunin var komin í 10 og fæðingin byrjuð. Mamma var ekkert deifð nema bara með glaðloft. Mamma man þetta ekki alveg nákvæmlega en hún þurfti að rembast svona 4 -5 sinnum áður en ég kom í heiminn klukkan 15:33, alveg heilbrigð lítil stúlka með mikið kolsvart hár og byrjaði á því að sjúga á mér þumalinn þegar ég kom í fangið á mömmu.

Pabbi klipti svo á naflastrenginn.

Ég fæddist þann 27.  júní 2005

26. júní klukkan 11:00   : Mamma var komin 40 vikur og einn dag og ég var barn númer tvö. Legvatnið fór að leka um morguninn þannig að mamma fór upp á fæðingardeild til að láta athuga hvort það væri ekki allt í góðu. Mamma var ekki með mikla verki.

27. júní klukkan 5:30   : Mamma var komin með vaxandi verki en samt óreglulega. Mamma náði að sofa til 3 um nóttina áður en verkirnir komu. Um 5:30 fór mamma upp á fæðingardeild aftur til að láta athuga, henni fannst verkirnir vera svo óreglulegir samt. Þarna var tekið rit og voru verkirnir frekar flatir á tveggja mínútna fresti.

Klukkan 06:10   : Tekin innri skoðun og útvíkkun komin í 8-9 cm. Ljósmæðurnar létu renna í bað handa mömmu því þær bjuggust við að þurfa bíða smá í viðbót. En þær rétt náðu að kveikja á vatninu og þá fór fæðingin af stað.

Klukkan 06:20   : Fór vatnið og fæðingin í fullum gangi, fór að sjást í kollinn minn eiginlega strax

Klukkan 06:31   : Fæddist ég, lifandi stúlka með naflastrenginn tvívafinn utan um háls og aftur fyrir báða handleggi. Ég var pínu dösuð fyrst en var fljót að ná mér. Mamma fékk mig í fangið og Pabbi klippti á strenginn

Klukkan 06:55   : Fékk ég mér smá sopa hjá mömmu

Eins mánaða

Tveggja mánaða

Þriggja mánaða

Fjögra mánaða

Fimm mánaða

Sex mánaða

Sjö mánaða

Átta mánaða

Níu mánaða

Tíu mánaða

Tíu mánaða (aftur)

Ellefu mánaða

Tólf mánaða

Þrettán mánaða

Tveggja ára

//////

Ný fædd

Fyrsti mánuðurinn

Tveggja mánaða

Þriggja mánaða

Fjögra mánaða

Fimm mánaða

Sex mánaða

Sjö mánaða

Átta mánaða

Níu mánaða

Tíu mánaða

Ellefu mánaða

Eins árs